Дугарма Батоболотовагай «Хуби заяанайм одон» гэжэ шэнэ номтойнь танилсалга Буряадай гурэнэй Ундэhэтэнэй номой санда, энэ оной февралиин 7-до болохоёо байна гэжэ Та бугэдэндэ дуулганаб. Ага найман эсэгын эрхим басагадай нэгэн Дугарма Батоболотоватай уулзажа, уран шулэгэйнь дээжэhээ ундаа харяатараа хуртэлсыт гэжэ уряалнаб.
ХОЮУЛАА
Хада ханамни хадаа
Ханилhан нухэрни хадаа,
Хуугэдэймни эсэгэ хадаа,
Эльбыш даа намаяа,
Энхэрыш даа намаяа,
Эрхэлуулыш даа намаяа.
Угайшни гуламтые
Унтараангуй бадарааhан,
Эхэнэр хун ха юмбиб даа биишни!
Эхэнэр хун хадаа,
Эльгэ нимгэтэй хадаа,
Инаг гансашни хадаа,
Няалдаhуулби даа шамдаа,
Нэнгэhуулби даа шамдаа,
Найдаhуулби даа шамдаа,
Эмээлтэ хазаартые
Энгэр соогоо багтааха
Эрэ хун ха юмши даа шиимни!
Убгэ hамган хоёр хадаа.
Урхэ нэгэдэhэн айл хадаа,
Ури хуугэдэй гэртэхин хадаа,
Ага нютагтаа хоюулаа,
Арюун гуламтадаа хоюулаа,
Айл аймагтаяа сугтаа
Ерэhэниие угтаха
Ошоhониие удэшэхэ
Гэр булын тулга ха юмбибди даа хоюулаа!
Зураг дээрэ: Сахюурта ууламнай - тоонто нютагаймнай hур hулдэ.
