Буряад арадай эрхим дээжэ хүбүүдэй нэгэн,Эсэгэ ороноо хамгаалгын Агууехэ дайнай
ветеран, Буряадай уран зохеолшодой оройн манлай болохо Дашарабдан
Отбоевич Батожабайн түрэhɵɵр 100 жэлэй ойн баярта зорюулжа, Буряад
орондоо аргагүй ехэ соелой гүнзэгы удхатай ажал үндэр хэмжээндэ
үнгэргэhэндөө һэн.
Мүнөөдэр һайхан мэдээсэл дуулдаба. Агууехэ уран зохёолшо Дашарабдан Батожабайн
зохёоһолнуудай суглуулбари 5 боти буряадаар хэблэгдэжэ, нара хараба.
Һамасу Батуевна Батожабайн, бүхы наhан соогоо сэдьхэжэ ябаhан hанал
бодолые бодотоор бэелүүлэгдэбэ.Дашарабдан Отбоевич Батожабайн наhанай
ба зохеохы зам тухайнь, тэрэнэй бүхы зохеолнуудыень V боти номуудай
суглуулбари болгон хэблүүлhэндэ буряад арадайнгаа зүгhөө Буряад Уласай
Толгойлогшо Алексей Самбуевич Цыденовтэ, Буряад Уласай соёлой яаманай
сайд Соелма Баяртуевна Дагаевада баяр хүргэнэбди!
Энэ дэмбэрэлтэ ехэ мэдээсэл дуулаад баярлахын ехээр баярланабди,
бүгэдэ буряад арад түмэнөө амаршалнабди! Буряад хэлээ аршалан абарха,
хадагалан хүгжөөхэ нангин хэрэгтэ гол шухала нэмэри туһа болохо гээшэ.
Буряад номуудай хэблэгдэжэ, уншагдажа байхада, хэзээдэшье буряад
хэлэмнай хүгжэhɵɵр лэ байха, буряад хэлэмнай мандаhаар лэ байха, ерээдүйн
Батожабайнууд бии боложол байха...
Номуудые хэблэһэн ажалшадта баяр хүргэнэбди! Таанарай бүтээлсэhэн
буянта хэрэгтнай, буряад арадтаа асарhан эрдэм соелой дээжэ - нангин
бэлэгтнай, хэтын хэтэдэ, үеын үедэ таанарай гэр бүлэдэ, аша гушанартатнай
үлзы хэшэг боложо, таанарай урдахи харгытнай
hүн сагаан дээжээр сүршɵɵтэй байхань дамжаггүй!
