"Минии уг гарбал" Интернет-конкурсдо
"Шэлдэг угай бэшэг" гэһэн номинацида
Сультимов Буянта, Хориин нэгэдэхи дунда һургуулиин 4 "в" классай һурагша
Минии нагасанарай уг гарбал Хориин арбан нэгэн эсэгын Худай омогой болоно.
Угайнгаа һарбаалжанай гэрэл зураг харахадамни тон һонирхомоор байдаг.
Эжыдээ заалгаад, нагасанарайнгаа уг хадуужа абахаяа сээжэлдэнэб.
Буряад ёһо заншал, түрэл арадайнгаа түүхэ мэдэдэг болохоёо һананаб. Номой санда һонин-һонин номуудые уншадагби. Һаяхан абгамни 
Эрдэни - Хайбзан Галшиевай «Бэлигэй толи» ном бэлэглээ юм. Бултыень үшөө уншаадүйб. Тиигэбэшье нэгэ бадаг уншаһанаа, эндэ танай һонорто табихам:
Заримдаа өөрын инаг садантаяа
Наада энеэдэ багахан тэды эрхилхэ.
Тэрэшье хадаа
Инагай зулые тэжээгшэ тоhон мун.
Минии уг гарбалай һарбаалжан:
Хоридой
Худай
Золгюур
Мэнхээлэй
Ханхаалай
Хүүhэн
Ёлтогой
Ухи
Монхой
Баянхан
Нугаһан
Ушархан
Нобшо
Жамба(Бүхэ)
Номооли
Абида
Онхотой
Онхосой
Сультим
Бальжинима
Цырен - Дондок
Баатар
Буянта
Уг гарбалаа шэнжэлхэдээ, һурагшалхадаа олон түрэлөө мэдэхэ болооб, олон юумэн тухай бодолгото болодог болооб. Һургуулияа тэгэсхэхэдөө, түүхэ шэнжэлдэг мэргэжэлтэн гү, али буряад хэлэ бэшэгээ шудалдаг хүн болохоёо һананаб.
Хоридой мэргэн эсэгэмнай,хуһан модон сэргэмнай, хори буряад гарбалнай гэжэ хори буряадууд шүтэжэ, мүргэжэ, хүндэлжэ ябадагбди. Эхэ байгаалидаа, уһа голдоо, тала дайдадаа гамтайгаар хандаха ёһотойбди. Элинсэг хулинсагаймнай абажа ябаһан зан заншал, бидэнэрт, мүнөө үеын хүнүүдтэ захяа заабари гээшэ ха юм даа.
