ЖАРГАЛ ЦЫНГУЕВНА ЦЫНГУЕВАДА ЗОРЮУЛГА
Алтан дэлхэйн нойрhоо hэрин.
Арюун агаараар анхилан байхадань,
Саhан хүнжэлоор халуудажа сэлин,
Сагай hайханиие хүлеэн угтахадань.
Сэлгеэхэн хабар Нууртын эхиндэ,
Сэбээн Сэнгын гэр бүлэдэ
Басаган үри - баярай hүлдэ
Бархиран шашхаhаар мүндэлоо бэлэй.
Тэрэ холын гушан наймадахи ондо
Тэнюун hайхан ерээдүйдэ этигэн,
Жаргал нэрэ жаахан басагандаа
Жаргалдань найдан үгоо бэлэй.
Ажабайдалайнь ореохон жэлнууд
Аалихам hубариhаар үнгэржэ эхилээ.
Дунда-Агын эхин шатын,
Урда-Агын, Агын дунда hургуулинууд,
Оорынь түрүүшын багшанар
Зүүдэн шэнги hанагдана:
Базар багша угтан абаа,
Базарай Юндэн дурбэдэхиие дуургуулээ.
Наhанай эрьесэ жэгтэй даа:
Эхин дээрээ аргаахан
Эрьелдэхэ бүреэ түргэдэхэ,
Намнажашье хүсэхын аргагүй.
Жаргалтайт даа, Жаргал Цынгуевна!
