"Астория" гэжэ кафе соо февралиин 17-до суута уран зохёолшо Алексей Гатаповтай уулзалга болобо. Тэрэнэй "Тэмужин" гэжэ роман Улаан-Щдэдэ, Москвада хэблэгдэжэ, үргэн олон ниитэдэ һайшаагдаһан юм. Буряад Уласай Соёлой яаманай 250 мянган түхэриг грант-мүнгэ хубаалдахадань, роман монгол хэлэндэ оршуулагдажа байна, Монголой мэдээжэ уран зохёолшо Аким оршуулга хэжэ байна, хахад жэл тухай болоод зохёолни Монголой арад түмэндэ уншахаар болохонь гээд Алексей Гатапов хөөрэбэ. Хэрэлдээн болоо үгыл дээ... Бато Багдаев, Бартунаев хоёр хожомдожо ерээ. Алексей Гатаповтай уулзалга болоо, уран зохёолшо зохёохы ажал тухайгаа ехэ һонин юумэ хөөрөө, забһарлалда ерэһэн айлшад сай уугаад, элдэб амтатай эдеэ эдеэд, стулнүүдээ түхэреэлэн табяад, дүхэриг шэрээ эхилээ (Круглый стол). Булат Шагжиев хэлээ: Тэгэндэ һуугша 3 хүн үгэ хэлэхэдээ регламент 10 минута, үгэ хэлэжэ байхадань, хэншье үгыень таһалха үгы - иимэ гурим эбдэһэн хүн заал сооһоо гаргагдаха, энээнэй һүүлээр би эгээн наһатай хүн хадаа урда гаража, сугларагшадые Сагаалганаар амаршалаад, үреэл хэлээд, иигэжэ хандааб - 1)Бидэниие суглуулаад уран зохёол тухай хөөрэлдөө эмхидхэжэ байһан Булат Шагжиевта баярые хүргэнэб, 2) Энэ дүхэриг шэрээдэ- уулзалгада түни түбшэнөөр, хэрэлдэн тоосолдонгүй, амгалан тайбанаар, бэе бэедээ ухаа заангүйгөөр, үбсүүгээ тоншожо би шамһаа ухаатайб гэжэ сэсэрхэлдэнгүй ажал хэрэг хэжэ, нэгэл юумэ бүтээхэ зорилготой хөөрэлдэебди, 3) удаадахи уулзалгада хүгшэн залуу гэжэ илгангүй, наһатай хүнүүдээ хабаадуулаа һаа - тэдэнэр һургаалай үгэ хэлэхэ үгэтэй байгаа ёһотой гэжэ түрэлхи буряадаараа хэлээд һуугааб. Эгээл энэ үедэ Бато Багдаев, Л.Бартунаев хоер ерээд һуужа байхыень би обёорооб (Буладай урид хэлэһэниие тэдэнэр дуулаа үгы), Любовь Баирова, правозащитник ород басаган, Евгений Хамаганов гурбан хүн дундахи столдо һуугаад, дүхэриг шэрээгэй темада: "Национальная идея" үгэ хэлээ. Үгэ хэлэжэ байтар Бато Багдаев юуб даа шангаар дуугараа, тиихэдэнь Булат хэлээ таанар гурим эбдээт, гараад ошогты. Тэдэнэр гараад ошоо, үлэһэн зонууд юундэ үлдэбэбтэ, тэдэнэр хожомдожо ерээд, гурим мэдээнэ үгы гээд һула һалаад үлээ.
